ਹਰਿਆਣਾ ਸਰਕਾਰ ਨੇ ਮਜਦੂਰਾਂ ਦੀ ਤਨਖਾਹ ਵਿਚ 52 ਫ਼ੀਸਦੀ ਤੋਂ 72 ਫ਼ੀਸਦੀ ਤਕ ਦਾ ਵਾਧਾ ਕੀਤਾ – ਕਿਰਤ ਅਤ ਰੁਜ਼ਗਾਰ ਰਾਜ ਮੰਤਰੀ

ਚੰਡੀਗੜ੍ਹ, ਹਰਿਆਣਾ ਦੇ ਕਿਰਤ ਅਤੇ ਰੁਜਗਾਰ ਰਾਜ ਮੰਤਰੀ ਨਾਇਬ ਸਿੰਘ ਸੈਨੀ ਨੇ ਕਿਹਾ ਕਿ ਸਾਡੀ ਸਰਕਾਰ ਨੇ ਮਜਦੂਰਾਂ ਨੂੰ ਸਮਾਜਿਕ, ਵਿਦਿਅਕ ਅਤੇ ਆਰਥਿਕ ਮਜਬੂਤੀ ਲਈ ਉਨ੍ਹਾਂ ਦੇ ਘੱਟੋ ਘੱਟ ਵੇਤਨਮਾਨ ਵਿਚ 52 ਫ਼ੀਸਦੀ ਤੋਂ 72 ਫ਼ੀਸਦੀ ਤਕ ਦਾ ਵਾਧਾ ਕੀਤਾ ਹੈ׀ ਕਿਰਤ ਮੰਤਰੀ ਨੇ ਅੱਜ ਇੱਥੇ ਵਿਭਾਗ ਵੱਲੋਂ ਆਯੋਜਿਤ ਪ੍ਰੈਸ ਕੰਨਫ਼੍ਰੈਂਸ ਵਿਚ ਬੋਲਦੇ ਹੋਏ ਕਿਹਾ ਕਿ ਸਾਲ 2013-14 ਵਿਚ ਰਾਜ ਵਿਚ ਅਕੁਸ਼ਲ ਤੋਂ ਉੱਚ ਕੁਸ਼ਲ ਮਜਦੂਰਾਂ ਦੀ ਮਹੀਨਾ ਵਾਰ ਘੱਟੋ ਘੱਟ ਵੇਤਨਮਾਨ ਦਰਾਂ 5563.95 ਰੁਪਏ ਤੋਂ 6289.50 ਰੁਪਏ ਦੇ ਵਿਚ ਸੀ, ਜਿਸ ਨੂੰ ਵੱਧਾ ਕੇ ਸਾਡੀ ਸਰਕਾਰ ਨੇ 8497.56 ਰੁਪਏ ਤੋਂ 10845.27 ਰੁਪਏ ਤਕ ਕਰ ਦਿੱਤਾ׀ ਇਸ ਦੇ ਤਹਿਤ ਅਕੁਸ਼ਲ ਮਰਦੂਰਾਂ ਨੂੰ 8497.56 ਰੁਪਏ, ਅਰਧ ਕੁਸ਼ਲ (ਏ) 8922.43, ਅਰਧ ਕੁਸ਼ਲ (ਬੀ) 9368.54, ਕੁਸ਼ਲ (ਏ) 9836.97 ਰੁਪਏ, ਕੁਸ਼ਲ (ਬੀ) 10328.83 ਰੁਪਏ ਅਤੇ ਉੱਚ ਕੁਸ਼ਲ 10845.27 ਰੁਪਏ ਕੀਤਾ ਹੈ, ਇੰਨਾ ਵਿਚ ਹਾਲ ਹੀ ਵਿਚ ਲਗਭਗ 50 ਰੁਪਏ ਤਕ ਦਾ ਹੋਰ ਵਾਧਾ ਕੀਤਾ ਗਿਆ ਹੈ׀ ਇਸ ਮੌਕੇ ’ਤੇ ਮੁੱਖ ਮੰਤਰੀ ਦੇ ਮੀਡੀਆ ਸਲਾਹਾਕਾਰ ਰਾਜੀਵ ਜੈਨ, ਕਿਰਤ ਵਿਭਾਗ ਦੇ ਪ੍ਰਧਾਨ ਸਕੱਤਰ ਮਹਾਵੀਰ ਸਿੰਘ ਅਤੇ ਸੂਚਨਾ ਅਤੇ ਜਨ ਸੰਪਰਕ ਅਤੇ ਭਾਸ਼ਾ ਵਿਭਾਗ ਦੇ ਡਾਇਰੈਕਟਰ ਜਨਰਲ ਸਮੀਰ ਪਾਲ ਸਰੋ ਵੀ ਮੌਜੂਦ ਸਨ